რას ვინახავთ
- ანგარიში: სახელი, ელფოსტა, პაროლი (მხოლოდ დაშიფრული ანაბეჭდი — თავად პაროლს ვერავინ ხედავს).
- ოჯახის მონაცემები, რასაც თქვენ ჩაწერთ: ბავშვების სახელები, განრიგი, სიები, ჩანაწერები, ამბები.
- შეტყობინებებისთვის: ტელეფონის push-გამოწერა (ტექნიკური მისამართი, რომლითაც შეხსენება მოდის).
ბავშვების გვარს, დაბადების თარიღს, სკოლის მისამართს ან ფოტოს არ ვითხოვთ — ნუ ჩაწერთ იმაზე მეტს, რაც საჭიროა.
ვინ ხედავს
- მხოლოდ თქვენი ოჯახის წევრები, რომლებიც თქვენ მოიწვიეთ. სხვა ოჯახები თქვენს მონაცემებს ვერ ხედავენ.
- სერვისის ადმინისტრატორი ხედავს მხოლოდ ანგარიშის მონაცემებს (მშობლის სახელი, ელფოსტა, რეგისტრაციის და ბოლო შესვლის დრო) და ჩანაწერების რაოდენობას — ბავშვების სახელებს, განრიგს, სიებს და ამბებს არა.
- ტელევიზორის ბმული — ვისაც ბმული აქვს, ის ხედავს ოჯახის დღის ეკრანს. ნუ გაუზიარებთ უცხოს; ⚙️-დან შეგიძლიათ ახალი შექმნათ და ძველი გააუქმოთ.
- მონაცემებს არ ვყიდით, არ ვაზიარებთ და რეკლამისთვის არ ვიყენებთ.
სად ინახება
ჩვენს სერვერზე, დაშიფრული კავშირით (HTTPS). შეტყობინება ტელეფონამდე ტელეფონის სისტემური სერვისით მიდის (Android — Google, iPhone — Apple); მისი შინაარსი დაშიფრულია და მათთვის არ ჩანს.
თქვენი უფლებები
- შეცვლა: ყველაფერი აპშივე სწორდება.
- წაშლა: ⚙️ → სახიფათო ზონა → „ოჯახის წაშლა“ — ყველა მონაცემი სამუდამოდ იშლება. მეორე მშობელს შეუძლია „ოჯახის დატოვება“.
- კითხვები: მოგვწერეთ — bichiko@enter.ge
წესები
- სერვისი ეხმარება ოჯახს განრიგის მართვაში; შეხსენება დამხმარე საშუალებაა და არ ცვლის მშობლის ყურადღებას.
- შეხსენების მიწოდება დამოკიდებულია ტელეფონის პარამეტრებზე და ინტერნეტზე — ჩვენ ვცდილობთ, მაგრამ 100%-ს ვერ ვიძლევით.
- აკრძალულია სხვისი ანგარიშის გამოყენება და სერვისის ბოროტად გამოყენება.